"သရဲ ပြဿနာ အဖြေရှာ"

ဗုဒ္ဓဘာသာဝင်တွေကတော့ သေပြီးရင်နောက်ဘ၀ ရှိသေးတယ်ဆိုတာကို ယုံကြည်တယ်၊ ပြီးတော့ကိုယ်ပြုတဲ့ ကံအားလျော်စွာ ဘ၀အမျိုးမျိုးကို ရောက်နိုင်တယ်ဆိုတာကိုပါ လက်ခံကြတယ်။ မနေ့ကဘဲ အွန်လိုင်းကနေ စကားတခွန်း နားထောင်လိုက်ရပါတယ် စင်္ကာပူမှာ ဖြစ်ပျက်တဲ့ အဖြစ်အပျက်လေးပါ၊ မိမိနဲ့ရင်းနှီးတဲ့ ဒကာမတစ်ယောက်က အဲဒီ ကုမ္ပဏီမှာ အလုပ်လုပ်နေတာပါ၊ သူမ ပြောတာက  " ဦးဇင်းရေ CCTV ကင်မရာတွေမှာ လူအရိပ်လိုလို အရာတွေပေါ်နေတယ်တဲ့၊ ကင်မရာမှာ တခုခုများ ကပ်နေမလားဆိုပြီး သွားကြည့်တော့ ဘာမှမရှိပါဘူးတဲ့၊ သူတို့ Boss ရော သူတို့တတွေကော ယုံကြည်ကြတာက ဒါဟာ သရဲခြောက်တာဘဲလို့ ယုံကြည်ပါတယ်တဲ့ ၊ အဲဒါကို ဘယ်လို ဖြေရှင်း ကိုင်တွယ်ရမလဲဆိုတာ သိချင်ပါတယ်တဲ့"၊


                ထေရ၀ါဒ ရှုဒေါင့်ကနေဘဲ ပြန်ပြီးပြောပြခဲ့ပါတယ်၊ တစ္ဆေ သရဲဆိုတာ လူတွေရဲ့ ပတ်ဝန်းကျင် အနီးအနားမှာ ရှိနေကြတာများပါတယ် စာပေမှာတော့ ဒါကို ပြိတ္တာလို့သုံးတယ်။ ထေရ၀ါဒ ဗုဒ္ဓဘာသာ ကျမ်းစာတွေမှာတော့ တစ္ဆေတွေ သရဲတွေ ခြောက်ခံရလို့ ကိုင်တွယ်ဖြေရှင်းပုံတွေ အမြောက်အများရှိပါတယ်၊
ဘုရားရှင် လက်ထက်တော်အခါကပေါ့ တပည့်ရဟန်း ၅၀၀ တောထဲကို တရားထိုင်ကြွကြပါတယ်၊ တောထဲလဲရောက်ရော သရဲ တစ္ဆေတွေက အနံ့ဆိုးတွေပေး ကိုယ်ထင်တွေပြ ကိုယ်ပြတ် ခေါင်းပြတ်တွေလုပ်ပြီး ခြောက်လှန့်တော့ ရဟန်းတော်တွေ တရားအားထုတ်လို့ မရကြတော့ပါဘူး၊ ဒါနဲ့ ဘုရားရှင်ဆီ ပြန်ကြွလာကြပြီး သူတို့တွေ့ကြုံရတဲ့ အဖြစ်အပျက်တွေကို လျှောက်ထားတော့ ဘုရားရှင်က မေတ္တာသုတ်ကိုသင်ပေးပြီး အဲဒါကိုရွတ်ဆို သွားကြလို့ လမ်းညွှန်တော်မူခဲ့ပါတယ်။


             တပည့် ရဟန်း ၅၀၀ လည်း ဘုရားရှင်လမ်းညွှန်တဲ့အတိုင်း မေတ္တာပို့ပြီး တောထဲပြန်ကြွသွားခဲ့တယ်၊ မေတ္တာပို့အပြီး မေတ္တာသုတ်ရွတ်အပြီးမှာ ခြောက်လှန့်တာတွေ ကိုယ်ထင်ပြတာတွေမရှိတော့ပါဘူး၊

                နောက်ထင်ရှားတဲ့ သာဓကတခုက ဗိမ္ဗိသာရရှင်ဘုရင်ကြီးပါ။ ညပိုင်း စက်တော်ခေါ်နေချိန် တစ္ဆေ သရဲတွေလာပြီး ခြောက်ကြ ကိုယ်ထင်ပြကြပါတယ်၊ ဘုရင်ကြီးလည်း ဘုရားရှင်ထံသွားပြီး အကျိုးအကြောင်းလျှောက်ထားတော့ ဒါတွေဟာ ဟိုးအရင်ဘ၀က သင်ရဲ့ ဆွေတော်မျိုးတော်တွေ ဖြစ်ကြောင်း သင်ပြုလုပ်တဲ့ ကုသိုလ်ကောင်းမှုရဲ့ အမျှကိုလိုချင်လို့ လာရောက်တာဖြစ်ကြောင်း ရှင်းပြတော်မူခဲ့ပါတယ်၊ နောက်ရက်မှာ ဘုရားအမှူးရှိတဲ့ သံဃာတွေကို ပင့်ဖိတ်ပြီး အမျှအတမ်းပေးဝေလိုက်တော့ ဒီတစ္ဆေတွေ သရဲတွေနောက်ထပ်မလာကြတော့ပါဘူး၊


                 ကြားဖူးတာလေး တခုရှိပါတယ် မန္တလေးမှာ ဖြစ်ပျက်ခဲ့တာပါ မူစလင် ကောင်မလေးတယောက်ဟာ ကွယ်လွန်ပြီးတဲ့နောက်မှာ အဲဒီအိမ်မှာဘဲ သရဲဖြစ်နေခဲ့ပါတယ်၊ သူ့မိသားစုကို ကိုယ်ထင်ပြပြီး နှုတ်ဆက်လေ့ရှိပါတယ်၊ ဘ၀ခြားသူတယောက်ရဲ့ နှုတ်ဆက်မှုဟာ ကျန်ရစ်တဲ့ မိသားစုအတွက်တော့ ကြောက်လန့်စရာ ကောင်းလှပါတယ်။ ကျန်ရစ်သူမိသားစု ကိုယ်တိုင်လည်း ဘာလုပ်ရမယ် ဘယ်လိုဖြေရှင်းရမယ်ဆိုတာ မသိပါဘူး၊ တနေ့မှာ ကွယ်လွန်သွားတဲ့ မူစလင် ကောင်မလေးကိုယ်တိုင်က ဗုဒ္ဓဘာသာ ဘုန်းကြီးတွေကို ပင့်ပြီး ပရိတ်ရွတ်ပေးပါလို့ အိပ်မက်ပေးပါတယ်။ သူမအိပ်မက်အတိုင်း ဘုန်းကြိးတွေကို ပင့်ပြီး ပရိတ်ရွတ်လိုက်တော့ နောက်ရက်တွေမှာ ပေါ်မလာတော့ပါဘူး။ သူငယ်ချင်းပြောပြတဲ့ ဇာတ်လမ်းလေးတခုကို မျှဝေခြင်းပါ။
(အခြားဘာသာဝင်များနှင့် ၄င်းတို့ကိုးကွယ်ရာ ဘာသာတရားကို ပုတ်ခတ်စော်ကားလိုသော ရည်ရွယ်ချက်လုံးဝ မပါဝင်ပါ)


          မိမိကိုယ်တွေ့ လေးတခုကို ပြောပြချင်ပါ သေးတယ်၊ သိပ်မကြာသေးခင်က ကိုလံဘိုနဲ့ ကီလိုမီတာ ၄၅၀လောက်ဝေးတဲ့ တောထဲမှာ တရားအားထုတ်ခဲ့တယ်။ တရားအားထုတ်သူတွေ တွေ့ကြုံရတဲ့      ပရလောကသားတွေရဲ့ အနှောင့်အယှက်ကို ခံခဲ့ရတယ်၊ မိမိတရားထိုင်တာက တောတောင်တခုရဲ့ ကျောက်ဂူထဲမှာ တပါးတည်းပါ၊ သမာဓိ အားကောင်းလာတဲ့အချိန်မှာ မိမိနားအနီးနား တ၀ိုက်မှာ တရားဆက်ထိုင်လို့ မရလောက်အောင် အသံတွေဆူညံခဲ့ပါတယ်။ နှောင့်ယှက်နေပြီဆိုတာ သိတာနဲ့ မေတ္တာကို အားစိုက်ပြီးပို့ပါတယ် မရပါဘူး အဲဒီနေ့ မနက် လက်မြှောက်အရှုံးပေးပြီး တရားထိုင်တာကို ဖြုတ်လိုက်ရတယ်။


           နေ့လည်အချိန်မှာ ပြန်ထိုင်တော့လည်း ပြန်ရောက်လာပါတယ်။ မိမိလည်း ကြိုးစားပြီးမေတ္တာပို့ ပြန်ပို့ပါတယ် နေ့လည်အချိန်မှာတော့ မိမိအောင်နိုင်ခဲ့ပါတယ်။ စိတ်ရဲ့အစွမ်းဆိုတာ တကယ်သုံးရင် တကယ်ပေါ်ထွက်လာပြီး တကယ်ထိရောက်တာကိုတွေ့ရတယ်။ တစ္ဆေသရဲတွေကိုလည်း ဒီစ်ိတ်အစွမ်းနဲ့ဖြေရှင်း နိုင်ပါတယ်၊
ထေရ၀ါဒ ရှုဒေါင့်ကနေဆိုရင်တော့ မေတ္တာပို့ပေးခြင်း အမျှပေးဝေးခြင်းတွေနဲ့ သူတို့ကို ကိုင်တွယ်ဖြေရှင်းနိုင်ပါတယ်၊


            ဒီနေရာမှာ မေတ္တာပို့သူရဲ့ ကိုယ့်ကျင့်တရား မြင့်ရင်မြင့်သလောက် ထိရောက်မှုလည်း ပိုပြီးရှိလာနိုင်ပါတယ်။ ဒီလိုဖြေရှင်းလို့မှ လုံးဝမရတော့ဘူးဆိုရင် ဘုန်းတော်ကြီးတွေကို ပင့်ဖိတ်ပြီး ကမ္မ၀ါစာ ရွတ်ရင်တော့ သေချာပေါက် သူတို့ထွက်ပြေးမှာ သေချာပါတယ်။


Credit to http://www.yawcommunity.com/2009_03_01_archive.html

One of Admins



by facebook page