ယုံချင်ယုံ မယုံချင်နေ စင်္ကာပူ ဖုန်းရွှေပုံပြင်များ

          ဒီအကြောင်းလေးကတော့ စင်္ကာပူက လူတစ်ယောက်နဲ့ စကားစပ်မိလို့ ပြောရင်း ဒီအကြောင်းလေးကို စိတ်ဝင်စားတာနဲ့ သူပြောတာလေးရော အင်တာနက်ထဲမှာရော ရှာဖွေရင်းနဲ့ ရေးဖြစ်သွားတာပါ။  မြန်မာပြည်မှာလည်း ဗေဒင် လက္ခဏာကို ယုံကြည်တဲ့လူများရှိသလို စင်္ကာပူမှာလည်း ဖုန်းရွှေ ပညာရပ်ကို ယုံကြည်ကြသူများလည်း ရှိပါတယ်။  ဒီအထဲမှာတော့ ထူးထူးခြားခြား အချိန်အခါနဲ့ တိုက်တိုက်ဆိုင်ဆိုင် ဖြစ်နေတာကြောင့် စိတ်ဝင်စားသော သူများအတွက် ဒီပိုစ့်ကိုတင်လိုက်ပါတယ်။  ယုံချင်ယုံ မယုံချင်နေ ဆိုတဲ့အတိုင်း ယုံချင်မှယုံ မယုံချင်လည်း နေကြပါခင်ဗျား။

စင်္ကာပူ တစ်ဒေါ်လာတန် အကြွေစေ့ဟာ ဘာဖြစ်လို့ ထောင့် ၈ ထောင့် ဖြစ်နေရတာလည်း

          ဒါကတော့ တရုတ်လို အသံထွက် ပါ့ကွား (ပါ့ဆိုတာက ၈ ကိုပြောတာပါ။  ကွားဆိုတာက ထောင့်လို့ထင်တာဘဲ)  အဲ့ဒီလို ဂမ္ဘီရ နည်းကို ယူထားတယ်လို့ ဆိုပါတယ်။  ဖုန်းရွှေနဲ့လည်း စပ်ဆက်ပါသတဲ့။  စင်္ကာပူမှာ မြေရထားလမ်းတွေဖောက်တော့ ဖုန်းရွှေပညာရှင် အဒေါ်ကြီးက ဒါဟာ စင်္ကာပူအတွက်၊ နိုင်ငံသားတွေ အတွက် အတိတ်နမိတ်မကောင်းဘူးလို့ ဆိုပါတယ်။  ဒါကို ယတြာချေတဲ့ အနေနဲ့ ထောင့် ၈ ထောင့် ပါဝင်တဲ့ ပါ့ကွား တွေကို အိမ်တိုင်း အိမ်တိုင်းမှာ ထားရမယ်လို့ ဆိုပါတယ်။  သိတဲ့အတိုင်း စင်္ကာပူမှာက လူမျိုးစုံဆိုတော့ ဒီလိုမျိုး ဒီလိုအယုံအကြည်မျိုးရှိချင်မှလည်း ရှိမှာကိုး။  ဒါနဲ့ပဲ ထောင့် ၈ ထောင့် ပါတဲ့ စင်္ကာပူ တစ်ဒေါ်လာတန်တွေကို နိုင်ငံတစ်ဝှမ်းဖြန့်ချီတယ်လို့ဆိုပါတယ်။  ဒါ့အပြင် လီကွမ်းယုကြီးကို ဖုန်းရွှေဆရာကြီးတစ်ယောက်က စင်္ကာပူရဲ့ အိမ်တိုင်း အိမ်တိုင်းမှာ ဒီထောင့် ၈ထောင့် သင်္ကေတ ရှိနေသ၍ ဘဘကြီးလီရဲ့ အာဏာစက်ဟာ စင်္ကာပူ အ၀ှမ်း လွှမ်းနေမယ်လို့ ဟောကိန်းထုတ်ပါသတဲ့။  ဒီလိုနဲ့ပဲ စင်္ကာပူ တစ်ကျပ်တန် ဒေါ်လာစေ့ဟာ ဒေါင့် ၈ ဒေါင့် ဖြစ်နေရပါသတဲ့။

၁၉၉၇မတိုင်ခင်နှင့် နောက်ပိုင်း တစ်ဒေါ်လာ အကြွေစေ့များ

          လူတွေ သိပ်ပြီးတော့ သတိမထားမိတဲ့ အချက်တစ်ချက်ရှိပါသေးတယ်။ ဒါကတော့ တစ်ဒေါ်လာတန် အကြွေစေ့တွေမှာ ၁၉၉၇ နောက်ပိုင်းထုတ်တွေနဲ့ ၁၉၉၇ မတိုင်ခင်က အကြွေစေ့တွေရဲ့ ခြားနားချက်ပါ။  သိကြတဲ့ အတိုင်း ၁၉၉၇ မှာ စီးပွားပျက်ကပ်ကို စင်ကာပူဟာ အလူးအလဲ ခံခဲ့ရပါသေးတယ်။  ဒါနဲ့ ဖုန်းရွှေဆရာကြီးက ဘဘကြီး လီကို အကြံပေးပါသတဲ့။  ဒါကတော့ “ဟော့ဒီမှာ ကြည့်စမ်း နိုင်ငံသားတွေ ငိုမယ့်မယ့်ဖြစ်နေတာမပြောနဲ့ တစ်ကျပ်တန် အကြွေစေ့တောင် ငိုနေပြီ…. ပိုက်ဆံတွေကို ပြုံးပြုံးလေးဖြစ်အောင် ပြောင်းပစ်ရမယ်” လို့ဆိုလေသတဲ့။

အဲ့လိုနဲ့ ၁၉၉၇ နောက်ပိုင်းထုတ်တဲ့ ၁ ကျပ်စေ့ကလေးတွေက ဟောဒီလို ဖြစ်သွားရောတဲ့ကွယ်….

         

စင်ကာပူမြို့ဟာ ဘာဖြစ်လို့ ဥယျာဉ်မြို့တော်ဖြစ်လာရတာလည်း

          စင်ကာပူမြေပုံကို ကောင်းကင်ပေါ်ကကြည့်ရင် ဂဏန်းပုံနဲ့ ဆင်ဆင်တူပါသတဲ့။  စင်ကာပူမြစ်ဟာ ဂဏန်းပုံရဲ့ ပါးစပ်ပေါက်ဖြစ်ပြီးတော့ မလေးရှားကို ကျောခိုင်းပြီး နေတဲ့ ပုံစံနဲ့ တူတယ်လို့ ဆိုပါတယ်။  ဂဏန်းဟင်းတွေ မြင်ဖူးကြမှာပါ။  ချက်ပြီးသား ဂဏန်းတွေက အနီရောင်သမ်းပါတယ်။  ဒါပေမယ့် ဂဏန်းအရှင်ကတော့ အစိမ်းရောင် သမ်းပါတယ်။  ဒီတော့ စင်ကာပူ အောင်မြင်နေဖို့ ဂဏန်းတွေ စိမ်းသလို စင်ကာပူ စိမ်းကာမှ အောင်မြင်မတဲ့။  အပေါ်ကကြည့်လို့ နီစွေးစွေးမြင်နေရရင် စင်ကာပူ မကျန်းမမာ ဖြစ်သလိုဖြစ်နေမှာလို့ ယူဆပါသတဲ့။  ဒါ့ကြောင့် စင်္ကာပူဟာ သစ်ပင်စိုက်ခြင်းအားဖြင့် ကျွန်းကို အပေါ်ယံကကြည့်လိုက်ရင် အနီရောင် မသမ်းတော့ပဲ အစိမ်းရောင် မြင်ရပါသတဲ့။  ဒီအတွက် အသုံးပြုရတဲ့ ငွေကြေးဟာလည်း မနည်းမနောပါပဲ။

မြို့နယ်နှစ်ခုကို တည်ထောင်ခြင်း

          စင်္ကာပူ ၀န်ကြီးချုပ် လီကွမ်းယူးဟာ Tanjung Pagar ဆိုတဲ့ မြို့နယ်ကို တိုးတက်အောင် လုပ်နေချိန်မှာ ဂိုချောက်တောင် ကတော့ Marine Parade ကို တိုးတက်အောင်လုပ်ပါသတဲ့။  ဒီနေရာမှာ စောစောက စင်္ကာပူ မြေပုံကို ပြန်ပြီးတော့ ကြည့်လိုက်ရင်တော့ ဒီနေရာနှစ်ခုဟာ ဂဏန်းရဲ့ လက်မနေရာတွေမှာ ရှိပါတဲ့။  သိကြတဲ့အတိုင်း ဂဏန်းတစ်ကောင်မှာ လက်မနေရက သူတို့ရဲ့ အင်အားအကြီးမားဆုံး အစိတ်အပိုင်းဖြစ်ပါတယ်။   ဒီတော့ စင်္ကာပူတိုးတက်ဖို့အတွက် ရေခံမြေခံကောင်းဖြစ်တဲ့နေရာက ဂဏန်းလက်မနေရာပါတဲ့။ ဒါ့ကြောင့် သူတို့နှစ်ယောက်ဟာ ဒီ မြို့နယ်နှစ်ခုကို တိုးတက်အောင် စတင် တည်ထောင်ကြပါသတဲ့။

Kallang River (ကလန်းမြစ်) ကို ဘာဖြစ်လို့ သန့်ရှင်းရတာလဲ

          ၁၉၈၀ စီပွားပျက်ကပ်ဖြစ်တုန်းက စင်ကာပူဟာလည်း အလူးအလဲ ခံခဲ့ရပါတယ်။  စင်ကာပူရဲ့ ဂဏန်းပုံ မြေပုံမှာတော့ Kallang မြစ်ဟာ ဂဏန်းရဲ့ ပါးစပ်ပေါက်နေရာနားမှာ ရှိပါသတဲ့။  အဲ့ဒီအချိန်မှာ ဒီ Kallang မြစ်ဟာလည်း ညစ်ပတ်နေလေတော့ ဂဏန်းရဲ့ ကျန်းမာရေးမကောင်းသလို စင်ကာပူလဲ ချူချာတယ်လို့ ယူဆကြပါသတဲ့။  ဒါနဲ့ ဂဏန်းရဲ့ ပါးစပ်ကို သန့်ရှင်းစေခြင်းသည် နိုင်ငံကို စီးပွားပျက်ကပ်က လွတ်မြောက်ပြီး ၀င်ငွေတွေ စီးဝင်လာစေတယ်လို့ ယူဆကြလို့ပါတဲ့။

Singapore Flyer သို့မဟုတ် ကမ္ဘာ့အကြီးဆုံး ချား

          စင်္ကာပူရောက်ရင် ဆန်တိုစာ ကျွန်းလေးသွား၊ ခြင်္သေ့တစ်ပိုင်း ငါးတစ်ပိုင်းအရုပ်ကြီးပေါ်တက် ဓာတ်ပုံရိုက်၊  ဒါမှမဟုတ် ယူနီဗာဆယ်စတူဒီယိုသွား၊ မာရီနာဘေး တစ်ခေါက် ပတ်လမ်းလျှောက်၊ ဒါမှမဟုတ်ရင် ကလပ်ကီးနဲ့ ဘုတ်ကီး တစ်ကြောက ဘီယာဆိုင်မှာ ညနေစောင်းလေး ဘီယာစုပ်။  ဒီလိုမှ မဟုတ်ရင်တော့ Singapore Flyer ကြီး သွားစီးပေါ့လေ…။ 

          Singapore Flyer က ၁၆၅ မီတာမြင့်ပြီးတော့ အဲ့ဒီမှာ အတွဲ ၂၈ ခုရှိပါတယ်။  တွဲတစ်ခုချင်းစီမှာ အဲ့ကွန်းတပ်ထားလို့ အေးအေးလူလူနဲ့ စင်ကာပူမြင်ကွင်းကို တစ်ဝကြီး ကြည့်လို့ရတယ်၊  ဟိုတစ်လောကလို မီးပျက်မသွားရင်ပေါ့လေ…။  အဲ… အရင်တုန်းကတော့ စင်္ကာပူက အဲ့ဒီချားကြီး လည်တဲ့အခါမှာ စင်ကာပူကျွန်းဘက်ကို မျက်နှာမူတဲ့ အခြမ်းကနေ စပြီးတော့ လည်ပါတယ်။  ဆိုလိုတာက တိုက်တွေဘက်ကို မျက်နှာမူပြီး လည်ပြီးတော့ ပင်လယ်ဘက်ကို နိမ့်ဆင်းသွားတာပါ။  ဒါဟာ ကြည့်လိုက်ရင် နေ၀င် နေထွက်နဲ့ ဆန့်ကျင်ဘက် အရပ်မျက်နှာကို လည်နေတာလို့ ဖုန်းရွှေပညာရှင်တွေကဆိုပါတယ်။  ဒီတော့ သဘာဝ တရားကြီးကို လွန်ဆန်သလိုဖြစ်နေလို့ ခုဆိုရင် Singapore Flyer ကြီးဟာ ပြောင်းပြန် လည်နေပြီဖြစ်ပါတယ်။  အဲ့ဒီ ချားကြီးစီးရင် သတိထားပြီးကြည့်လိုက်ပါ ပင်လယ်ဘက်ကနေ တက်သွားပြီးတော့ အဆောက်အဦးတွေဘက်ကို နိမ့်သွားပါတယ်။  ဒါဟာ သဘာဝတရားကြီးနဲ့ ကိုက်ညီတဲ့အပြင် ပြင်ပက ကံကောင်းခြင်းတွေကို စင်ကာပူကျွန်းကို သယ်ဆောင်လာတယ်လို့ အဓိပ္ပာယ်ယူပါတယ်လို့ 

ပူလောအူဘင်ကျွန်းကလေးရဲ့ ၀ိညာဉ်ပို့ ထီးများ

          ပူလောအူဘင်ဆိုတာက စင်္ကာပူကနေ လှေကလေးနဲ့သွားရင် ရောက်တဲ့ကျွန်းကလေး။  ဘာမှတော့ ရှိလှတယ်မဟုတ်ပါဘူး။  တောင်တက်၊ စက်ဘီးစီး ပြန် ဒါပါပဲ။  ဒါပေမယ့် မြို့ကြီးပြကြီးတွေမှာ လူတွေ ကြပ်ညပ်တဲ့ဒဏ်ကို ခံစားရသူတွေကတော့ စိတ်ပြေလက်ပျောက် ဘာမှ မရှိတဲ့ကျွန်းမှာ ဘာမှ မရှိတာကိုပဲ အရသာခံရက အရသာလို ဖြစ်လေတော့ တစ်ခါတစ်လေ အရသာခံကြပါတယ်။  အဲ့.. ပူလောအူဘင်ကတော့ သရဲချောက်တတ်တယ်လို့ နာမည်ကြီးပါတယ်။  ဟုတ်မဟုတ်ကတော့ မသိ။ 

ကဲထားပါတော့လေ… ပူလောအူဘင် ကိုသွားရင် လှေစီးရတယ်လို့ ပြောခဲ့ပါတယ်။  အဲ့ဒီက လှေသမားတွေမှာတော့ ထူးခြားတဲ့ ဥပဒေသ တစ်ခုရှိပါတယ်။ ဒါကတော့ သူတို့ရဲ့လှေတွေမှာ လူသေတွေကို တင်ခွင့်မပေးတာပါ။  စင်္ကာပူမှာ နေတဲ့လူတွေ ပူလောအူဘင်မှာ သေသွားခဲ့ရင် ကျွန်းမကြီးကို ပြန်သယ်လို့ မရပါဘူးတဲ့။  အဲ့ဒီကျွန်းကလေးပေါ်မှာပဲ မြှုပ်နှံကြပါသတဲ့။  ဒါပေမယ့် သေလူတို့ရဲ့ ၀ိညာဉ်ကိုတော့ ပြန်လည်ယူဆောင်ကြပါတယ်။  ဒါဆိုရင်တော့ ၀ိညာဉ်ကို ဘယ်လိုယူကြလဲဆိုတဲ့ ဓလေ့လေးကတော့ စိတ်ဝင်စားစရာကောင်းပါတယ်။ သစ်သားပြားပေါ်မှာ သေသူရဲ့ အမည်နာမကို ရေးထိုး ရွတ်ဖတ်ပြီးတော့ပြန်လည် ယူဆောင်ကြတာပါ။ 

ဒါပေမယ့် ပူလောအူဘင်က လှေသမားတွေကတော့ ဒီလိုမျိုး သစ်သားပြားတွေကို ဒီအတိုင်းသယ်ဆောင်တာကို လက်မခံကြပါဘူး။  သူတို့ရဲ့ဓလေ့ကတော့ ၀ိညာဉ်ကို ပြန်လည်သယ်ဆောင်လာဖို့ ထီးတစ်လက်ငှားတာပါ။  ထီးကတော့ တရုတ်ရိုးရာထီးပါ။  စက္ကူရယ်၊ ၀ါးရယ်နဲ့ လုပ်ထားတဲ့ထီးဖြစ်ပြီးတော့ ထီးမျက်နှာပြင်မှာ ဖယောင်းသုတ်၊ ဆေးဆိုးထားလေ့ရှိပါသတဲ့။  အဲ့ဒီထီးနဲ့ သေသူရဲ့ အမည်နာမ ထွင်းထားတဲ့ သစ်သားပြားရယ်၊ အဲ့ဒီ သစ်သားပြားရှေ့က အမွေးတိုင်ရယ်ပေါ်မှာ ထီးကို ဆောင်းပေးထားရပါတယ်။  မိုးရွာရွာ၊ နေပူပူ၊ နေ့ဖြစ်ဖြစ်၊ ညဖြစ်ဖြစ် အဲ့ဒီထီးကို လှေပေါ်က သစ်သားပြားနဲ့ အမွှေးတိုင်ပေါ်မှ ဆောင်းပေးမှသာ သေသူရဲ့ ၀ိညာဉ်ဟာ ဘယ်ကိုမှ လွတ်ထွက်မသွားတဲ့အပြင်၊ သူတို့ရဲ့ လှေပေါ်မှာလည်း သောင်တင်နေတော့မှာ မဟုတ်ဘူးလို့ ယုံကြည့်ကြပါတယ်။ 

ဒီတော့ နောက်တစ်ခါ ပူလောအူဘင်ကျွန်းကိုသွားလို့ လှေကလေးတွေစီးရင် လှေဆိပ်ရဲ့ ခေါင်မိုးတွေကို သတိထားပြီးကြည့်လိုက်ပါ။  အဲ့ဒီမှာ စက္ကူထီးလေးတွေ ချိတ်ထားတာကို တွေ့ရပါလိမ့်မယ်။ ဒါပေမယ့် သွားပြီးတော့ ထိတာတို့၊ ဖွင့်တာတို့ မလုပ်ပါနဲ့တဲ့။  အဲဒီ ထီးတွေဟာ ၀ိညာဉ်တွေကို သယ်ပို့တဲ့အခါမှာ သုံးတဲ့ ထီးတွေ ဖြစ်ပါသတဲ့။

စင်ကာပူနှင့် သရဲကြီးနေ့

          စင်္ကာပူမှာတော့ တရုတ်ရိုးရာဓလေ့အတိုင်း သရဲကြီးနေ့ (Hungry Ghost Festival) ကို နှစ်စဉ်နှစ်တိုင်း လုပ်လေ့ရှိပါတယ်။  ဒါဟာ တရုတ် ပြက္ခဒိန်အရတော့ ၇ လပိုင်းမှာကျရောက်ပါတယ်။  နှစ်စဉ် ဂျူလိုင်နဲ့ သြဂုတ်လတွေဆို စင်္ကာပူက လမ်းတွေမှာတော့ သရဲစာကြွေးထားတာတွေ၊ စက္ကူမီးရှို့ထားတာတွေကို တွေ့ကြရမှာပါ။ တိုင်အို ဖုန်းရွှေယုံကြည်သူတွေကတော့ အတော့်ကို အယူသည်းပြီးတော့ ယုံယုံကြည်ကြည်ကိုလုပ်ကြပါတယ်။  အဲ့ဒီရက်တွေမှာ ငရဲတံခါးပွင့်ပြီးတော့ သရဲတွေဟာ လူ့လောကထဲကို ၀င်ရောက်လာကြတယ်လို့ ယုံကြည့်ကြပါတယ်။  ဒီတော့ သက်ဆိုင်ရာ အိမ်တွေက သက်ဆိုင်ရာ သေလွန်သူတွေကို ခေါ်ပြီးတော့ အစားအစာ၊ စက္ကူမီးရှို့ပြီး ပိုက်ဆံ စတာတွေကို ပေးကြပါတယ်။  နောက်ပြီးတော့ ရပ်ကွက်တွေထဲမှာ Getai Show လို့ခေါ်တဲ့ နတ်ပွဲလိုလို၊ ပြဇာတ်လိုလို ပွဲသေးသေးလေးတွေလည်း လုပ်ကြပါတယ်။  အဲ့ဒီ ပွဲတွေမှာ သတိထားပြီးကြည့်လိုက်ပါ ရှေ့ဆုံး ခုံတန်းတွေက လွတ်နေပါတယ်။  ဒါဟာ သရဲတွေ ကြည့်ဖို့အတွက် နေရာပေးထားတာဖြစ်ပါတယ်။  ဒီတော့ ယောင်လို့ သွားမထိုင်လေနဲ့၊  သင့်ဘေးနားက တရုပ်တွေက သင့်ကို ပြူတူးပြဲတဲ ကြည့်ကုန်ကြပါလိမ့်မယ်။

          အဲ.. နောက်ပြီးတော့ အဲဒီလတွေမှ အယူသီးတဲ့ လူတွေကတော့ ဟော့ဒီ ရှောင်ရန်အချက်ကလေးတွေကို လိုက်နာကြပါတယ်။  ဒါကတော့

၁။  ရေကူးကန်ထဲမှာ ရေမကူးကြပါဘူးတဲ့။  သူရဲတွေဟာ သူတို့ ကျွတ်လွတ်ဖို့အတွက် လူစားရှာတတ်လို့ သင့်ကို ရေကူးကန်ထဲ ဆွဲနှစ်တတ်တယ်လို့ ယုံကြည်ကြပါသတဲ့။

၂။  ကလေးရော၊ လူကြီးတွေကိုပါ အိမ်ကို စောစောပြန်လာကြဖို့ ပြောတတ်ကြပါတယ်။  သရဲတွေဟာ ညပိုင်းမှာ ကျက်စားတတ်တာမို့ ကလေးငယ်တွေကို ၀င်ရောက်ပူးကပ်တတ်တယ်လို့ ယုံကြည်ကြပါတယ်။

၃။  အဲ့ဒီ လအတွင်းမှာ အခန်းအသစ်ပြောင်းခြင်း၊ ဆိုင်အသစ်ဖွင့်ခြင်းတို့ကို ရှောင်ကြပါတယ်။  ဘာဖြစ်လို့လဲဆိုတော့ အဲ့ဒီ သရဲကြီးလဟာ နမိတ်မကောင်းဘူးလို့ ယူဆကြလို့ပါတဲ့။

၎။ မင်္ဂလာဆောင်ခြင်းကိုလည်း ရှောင်ရှားကြပါတယ်။  အဲ့ဒီလတွေမှာ စိတ်ထားဆိုးတဲ့ သရဲတွေဟာ မင်္ဂလာမောင်နှံ အတွက် အတိတ်နမိတ်ဆိုးတွေကျရောက်အောင် ကျိန်စာတိုက်တတ်တယ်လို့ ယူဆကြသလို၊ အဲ့ဒီလမှာ လက်ထပ်ရင် ဇာတ်သိမ်းမကောင်းဘူးလို့လဲ ယူဆကြသူတွေရှိပါတယ်။

၅။ အဲ့ဒီလတွေမှာ တောထဲလျှောက်လည်တာတို့၊ တောင်တက်တာတို့ကို ရှောင်ကြပါသတဲ့။  အသေအပျောက်များတတ်တယ်လို့ ယုံကြည်ကြပါတယ်။

၆။ ကားမောင်းတဲ့အခါမှာလည်း သတိထားကြပါသတဲ့။  အစိမ်းသေနဲ့ လမ်းပေါ်မှာ ပွဲချင်းပြီး သေတဲ့ သရဲတွေဟာ အဲဒီလမှာ အထူးမြူးပြီး အဖော်ခေါ်တတ်ကြလို့တဲ့။

by blog-aunghtut