"လှေကားတ၀က် ....မီးအပျက်ဝယ်"

ဘဝမှာ မှတ်မှတ်ရရ ပရလောကသားတွေနဲ့ ကြုံတွေ့ခဲ့ဘူးတာကတော့ ကျွန်မ အသက် (၁၆) နှစ်လောက်တုန်းကပေါ့။   အဲ့ဒီအချိန်တုန်းက ကျွန်မရဲ့ ဖွားဖွားနှာခေါင်း ခွဲစိတ်ကုသမှုခံယူဖို့အတွက် ရန်ကုန်၊ တာမွေမြို့နယ်ထဲက ဆေးရုံတခုမှာ တက်ရတယ်။ အခုပြောပြချင်တဲ့  ဇာတ်လမ်းက ဆေးရုံမှာ အဖွားကို လူနာစောင့်ရင်းနဲ့ ကြုံရဆုံရတာပါ။

          အဖွား ဆေးရုံတက်ချိန်မှာ ကျွန်မရဲ့ ဖခင်က သူ့ယောက္ခမ၊ ကျွန်မဖွားဖွားကို သူတာဝန်ယူ ညအိပ်စောင့်ပေးမယ်ဆိုပြီး ကျန်ခဲ့တယ်။ ထုံးတမ်းစဉ်လာအရ အမျိုးသမီးလူနာကို အမျိုးသား လူနာစောင့် ထားခွင့်မရှိပေမယ့် ကျွန်မ ဖခင် ဘယ်လိုနည်းနဲ့ ခွင့်ပြုချက် ရခဲ့တယ်ဆိုတာကိုတော့ ဒီနေရာမှာ ရေးပြဖို့ မလိုအပ်ဘူး ထင်လို့ ချန်လှပ်ထားခဲ့ပါ့မယ်။

        အဖွား ရတဲ့အခန်းက ဆေးရုံရဲ့ ဒုတိယထပ်ထောင့်စွန်းအကျဆုံး အခန်းပါ။ ဖြစ်ချင်တော့ အပေါ်

ထပ်ကပ်လျက် အခန်းကလည်း လူနာမရှိဘူး။ အောက်ထပ်ကတော့ ဟောခန်းကြီးပေါ့နော်။ ဘေးခန်းတွေမှာလည်း လူမရှိဘူးလေ။ ဒီလိုနဲ့ အဖွားခွဲစိတ်ခန်းထဲကထွက်လာတော့ အချိန်က ညနေ(၆) နာရီခွဲ ပတ်ဝန်းကျင်လောက်တော့ ရှိနေပါပြီ။ မှောင်ရိပ်ပျိုးနေပြီဆိုတော့ ကျွန်မရဲ့ အမေရယ်၊ အဒေါ်ရယ်ကလည်း

အိမ်ကိုပြန်ရောပေါ့။ အဖေပဲ စောင့်ပေးနေတာ။  မေ့ဆေးပြယ်ပြီး သတိရတဲ့အချိန်မှာ အဖွားက ပြူတင်းပေါက်နားမှာဆိုတော့ အပြင်ကိုလှမ်းကြည့်ပြီး ကျွန်မရဲ့ အဖေကို......

         "ဟဲ့မောင်မြင့်ဋ္ဌေး ဓာတ်မီးတိုင်ကလူတယောက်ခိုစီးနေတလိုပဲ လှုပ်နေတယ်" လို့ပြောတယ်။

အဖေလည်းတွေ့တယ်။ ဒါပေမယ့် ခွဲခန်းထဲက ထွက်လာကာစမို့ (Surgical Stress) နည်းနည်း ရှိနေတဲ့ အဖွား စိတ်ခြောက်ခြားပြီး အားငယ်နေမှာ စိုးရိမ်တာကြောင့်

            "မဟုတ်ပါဘူး။ အမေကလည်းခွဲပြီးခါစမို့စိတ်ထင်တာပါ "     လို့ ပြန်ပြောလိုက်ရတယ်။

      အဖေလှမ်းကြည့်လိုက်တော့လည်း အဲဒီဓာတ်မီးတိုင်က တတိုင်ပြီးတတိုင် ကူးပီးလှုပ်သွားတာတဲ့။ အဲဒီနေ့မှာပဲ ပထမဦးဆုံးနေ့ဆိုတော့ အဖေလည်း ဆေးရုံအထာတွေ သိပ်မသိသေးဘူးထင်ရဲ့။ ညသန်းခေါင် ၂ချက်တီးလောက်ကြီးမှာ ရေအိမ်သွားချင်ပါလေရော။ ရိုင်းရိုင်းပြောရရင်တော့ အိမ်သာတက်ချင်လာတာပေါ့။ အိပ်ယာကနေ ထပြီးကြည့်လိုက်တော့ အိမ်သာတံခါးကဟနေတယ်။ ပြီးတော့ မီးပွင့်ပြီးရေသံတွေကြားနေရတာတဲ့။ အဖေလည်းသူနာပြုထင်ပြီးစောင့်တာပေါ့။ ၁၅ မိနစ်လည်းမဟုတ်၊ နာရီဝက်လည်းမဟုတ်နဲ့ အိမ်သာတက်ချင်တဲ့ ဝေဒနာကို ကြိတ်မှိတ်ခံစားနေရာက ဘယ်လိုမှ မမြိုသိပ်နိုင်တော့အဆုံး တံခါးခေါက်ပြီး ဖွင့်ကြည့်လိုက်တော့မှ မီးလည်းပိတ်သွားပြီး ရေသံလည်းမကြားရတော့ဘူးတဲ့။

        အဖေ့ အလှည့်ပြီးလို့ ကျွန်မကြုံရတဲ့ အလှည့်ကတော့ နောက်(၃)ရက်မြောက်နေ့ရဲ့ ညဦးပိုင်းမှာပါ။ ကျွန်မတို့ မိသားစုတွေ အဖွားဆီကို နာလန်ထလူမမာ သတင်းမေးဖို့ သွားကြတဲ့ အချိန်။ အဲတုန်းက  အဖေက ကျွန်မတို့ ကလေးတွေကို သေချာမှာပါတယ်။ ဆေးရုံထဲမှာလျှောက်မသွားနဲ့နော် တဲ့။ ကိုယ့်သမီးအကြောင်းကိုယ်သိလို့နဲ့တူပါတယ် ဟီဟိ။ သမီးဖြစ်သူ ကျွန်မကလည်း မိဘစကားကို မြေဝယ်မကျ နားထောင်တတ်ရှာတာကိုး။ အဖေပြောပြီးလို့ ဘာမှတောင်မကြာ ဘူး။ အမေ့ဆီကို ဖုန်းဝင်လာတယ်။ အဖွားအမျိုးတွေ ဆေးရုံဝင်းရှေ့ရောက်နေပြီတဲ့။ အခန်းမသိလို့လာခေါ်ပါတဲ့။ အဲဒီအချိန်က အဖွားက ခွဲစိတ်ဒဏ်ရာအနာသက်သာအောင် ဆေးထိုးထားလို့ ခုတင်ပေါ်မှာမှိန်းနေတဲ့အချိန်။ ကျွန်မရဲ့မောင်လေးကလည်း အဖွားဘေးနားမှာအိပ်နေရော။ အဲဒါနဲ့အဖေနဲ့အမေက ဆေးရုံဝင်းဆီသွားပြီး အမျိုးတွေကို သွားကြိုကြတယ်လေ။

အဲ့အချိန်မှာ ကျွန်မလည်း စကားပြောဖို့ အဖော်လည်းမရှိ၊ တယောက်ထဲဆိုတော့ ပျင်းနေတာပေါ့။ ပြုတင်းပေါက်ကလှမ်းကြည့်လိုက်တော့ ကျွန်မ အမေနဲ့ အဖေတို့က ဆွေမျိုးတွေနဲ့ စကားလက်ဆုံ ပြောလို့မကုန်ဖြစ်နေကြလေရဲ့။ ကျွန်မလည်း စိတ်ကူးပေါက်တာနဲ့ လိုက်သွားမယ် စဉ်းစားပြီး ဟောခန်းကိုသွားရော။

        အဲ့မှာ လှေကားအကြီးကြီးဆင်းရတာ ကျောချမ်းစရာကြီးရယ်။ ကျွန်မကတော့ ကိုယ့်အတွေးနဲ့ကိုယ်ဆိုတော့ ပတ်ဝန်းကျင်ကိုလည်း သတိမထားမိဘူး။ လှေကားကဆင်းလာလို့ လမ်းတဝက်ပဲရောက်သေးတယ်။ ရုတ်တရက် မီးကဖြတ်ဆိုပျက်သွားပါလေရော။ ကျွန်မက လှေကားမှာတယောက်ထဲ ။ အနီးအနားမှာလည်း တယောက်တလေမှမရှိ။ ဘာကိုမှလည်း အသေအချာ သဲသဲကွဲကွဲ မမြင်ရ။ အသံဗလံတွေ တိတ်ဆိတ်လို့။ ကျွန်မက အဲ့ဒီအချိန်တုန်းက အသက်(၁၆)နှစ်ပတ်ဝန်းကျင်ဆိုတော့ ကလေးသာသာပဲလေ။ နည်းနည်းတော့ လန့်လာတာပေါ့။ မှတ်မှတ်ရရ ကြက်သီးမွေးညင်း တွေထလာရော။ စိတ်ထဲကတော့ ဘာလည်းဟပေါ့။ နောက်ပြီး ကိုယ့်နောက်မှာ တယောက်ယောက်က ကိုယ့်ကို စူးစူးစိုက်စိုက် ကြည့်နေသလို ခံစားလာရတယ်။ ကိုယ့်စိတ်ကိုယ် ပြန်အားတင်ပြီး နောက်ပြန်လှည့်ကြည့်လိုက်ပါတယ်။ ဘာမှမတွေ့ဘူး။ အဲအချိန်မှာ ကျွန်မပခုံးပေါ်ကို ဖတ်ဆိုပြီး အေးစက်တဲ့ အထိအတွေ့နဲ့ အရာတခု လာထိလိုက်တာ ခေါင်းထဲမှာ  ဒိုင်းကနဲပဲ။ အရမ်းကိုလန့်သွားတာ။ ဘာဘုရားစာမှရွတ်ချိန်မရှိဘူး။ လူကကျက်သေသေနေပြီ။

        အဲအချိန်မှာပဲ  ကျွန်မကို တိုက်ချသွားတာ။ အဲတော့မှ ဘာမှမတွေးတော့ဘူး ။ ဟောခန်းထဲလည်းမဖြတ်ရဲတော့ဘူး။ ကျန်တဲ့လှေကားတဝက်ကို အပေါ်ပြန်တက်ပြေးတာ။ အဖွားရှိတဲ့အထပ်ကိုပေါ့နော်။ အဖွားအခန်းက ထောင့်စွန်းအခန်း ဖြစ်နေတော့ မှန်းရလွယ်တယ်လေ။ အဲလိုပြေးနေရင်းနဲ့ ကျွန်မနားထဲမှာ စကားပြောသံတွေကို ကြားလိုက်ရတယ်။ အဲတော့မှ ကိုယ့်ပတ်ဝန်းကျင်မှာ လူတွေရှိနေပါသေးလားလို့ စိတ်အားတင်းလို့ရပြီး အကြောက်နည်းနည်းပြေသွားတော့တယ်။ ကိုယ့်ဟာကိုလည်းရယ်ချင်သွားတယ်။ တယ်ကြောက်တတ်တဲ့ ငါပါလားနော်ဆိုပြီး။ ကျွန်မလည်း အဖေတို့ကို စိတ်ပူမိတာနဲ့ အခန်းပေါက်ဝမှာ တယောက်တည်း ထိုင်စောင့်နေမိတယ်။ ခဏလောက်အကြာမှာ မီးပြန်လာပါတယ်။ အဖေတို့လည်း အပေါ်ထပ်ကို ပြန်တက်လာကြတယ်။ ပြီးတော့ ကျွန်မကိုမေးတယ်။

      "မီးပျက်သွားတယ်မဟုတ်လား???? "တဲ့။ ကျွန်မ ဟုတ်တယ်လို့  ပြန်ဖြေတော့ အဖေထပ်မေးလိုက်တာက  လှေကားတဝက် ရောက်မှဖြစ်တာလား????? ဆိုပြီး ဒဲ့ဒိုးကြီးမေးချလိုက်ရော။ ကျွန်မ လည်း ရုတ်တရက်ဆိုတော့ ဘာပြန်ဖြေလို့ ဖြေရမှန်းတောင် မသိပဲ ကြောင်သွား

တာပေါ့။ အမေကလည်း ဘာဖြစ်တာလည်းပဲ တမေးတည်းမေးနေရော။

           အဖေက အဖွားဆေးရုံဆင်းမှပြောမယ်တဲ့။ ကျွန်မကတော့ ပြောလိုက်ပါတယ်။ ဘေးခန်းက လူတွေစကားပြောနေသံကြားမှ အကြောက်ပြေတာဆို တော့ အဖေကပြူးကြည့်တယ်(မျက်စိ)။ပြီးတော့ ဆက်မေးတယ်။ ဘယ်ဘေးခန်းကလဲ???တဲ့။ အဖွားဘေးခန်းကပေါ့လို ကျွန်မပြန်ပြောတော့ အဖေကရယ်တယ်။ ဘယ် ဘေးခန်းမပြောနဲ့

အပေါ်အောက် ပတ်ပတ်လယ်တခန်းမှလူမရှိဘူးတဲ့။ အေးရော။ အဲတုန်းက ဧည့်သည်တွေကလည်း အဖွားအခန်းထဲမှာ။ နောက်တော့အဖွားဆေးရုံဆင်းရော။ ဆေးရုံကဆင်းလာလို့ အိမ်ပြန်ရောက်လာတာတောင် အဖွားကို နာလန်ထ သတင်းလာမေးတဲ့ ဆွေမျိုးမိတ်သင်္ဂဟတွေက ကုန်နိုင်သေးဘူး။ အဲအဖွားနဲ့စကားတွေပြောနေတော့ ကျွန်မလည်း အဖွားအိမ်ရောက်နေတာနဲ့ ဒီလိုပဲပျင်းတော့လူကြီးစကားဝိုင်းထဲဝင်နားထောင်တယ်ပေါ့နော်။ အဲဒီမှာ အဖွားကိုဆေးရုံသတင်းမေးလာတဲ့ ဧည့်သည်လင်မယားက အဖွားကို ဆေးရုံတက်တုန်းက ဘာမှမဖြစ်ဘူးလားတဲ့။ အဖွားက ဘာကိုလဲလို့ ပြန်မေးတော့ သူတို့ဆေးရုံလာမေးတုန်းက ပြုတင်းပေါက်အပြင်မှာ လင်မယား၂ယောက်နဲ့တူတယ်။ ရပ်ပြီး ကော်ရစ်ဒါကိုလက်ညိုးထိုးပြီးစကားပြောနေကြတယ် တဲ့လေ။ သူတို့ကိုတွေ့တော့ ရယ်တောင် ရယ်ပြလိုက်သေးတယ်တဲ့။ သူတို့ကလည်း သြော်....ဒီဆေးရုံကိုလူနာကြည့်လာတယ်ပဲ မှတ်တာတဲ့။ အဲဒါဆိုလည်း ဘာလို့ဆေးရုံအပြင်က ပြုတင်းပေါက်မှာ လာချောင်းနေရတာလဲပေါ့။ ဝင်လာတာ မဟုတ်ဘူးဆိုပြီး...တွေးနေတာတဲ့။ နောက်မှ အဖွားအခန်းထဲကို ဝင်ပြီးပြုတင်းပေါက်ကိုကြည့်တော့မှ ဒုတိယထပ်မှန်း သတိထားမိတာတဲ့။ အဲတော့မှကျောချမ်းတာတဲ့။ အဲဒါနဲ့အဖေလည်းသူ့ရဲ့ ဆေးရုံအတွေ့အကြုံကို ဝင်ပြောပြပါတော့တယ်။ အဖေနဲ့ ဖွားဖွား အဲ့ဒီဆေးရုံမှာ  ခြောက်လှန့်ခံရတဲ့ အကြောင်းအရာတွေ နောက်ပိုင်းတွေလည်းရှိပေမယ့် အစားမက်ပြီး အပြင်ထွက်၊မုန့်ထွက်ဝယ်လိုက်တော့ သူတို့ဆက်ပြောကြတဲ့ အကြောင်းအရာတွေကို ကျွန်မ သိခွင့်မရလိုက်ပါဘူး။ ဒါပေမယ့် လက်လှမ်းမီသလောက်တော့ ပြန်မေးကြည့်ပြီး ထပ်ရေးပေးပါဦးမယ်။ ဒါကတော့ ဆေးရုံရဲ့ အတွေ့အကြုံ လေးပေါ့နော်။

by သရဲအကြောင်းပြောကြမယ်