ပုစွန်ထောပတ်ထမင်းကြော်

ထမင်းကြော်ဖို့အတွက် ပထမဦးစွာ ပုဇွန်များကို အခွံချွတ်၊ ကျောက ချေးကြောင်း ဖယ်ပစ်ပြီး ရေစင်စင်ဆေး ကာ ဟင်းချက်ဝိုင်၊ ဆား၊ အရသာမှုန့်တို့နဲ့ နယ်ပြီး ခေတ္တထားလိုက်ပါတယ် ။

 ပုဇွန်

 

ထို့နောက် ထမင်းကြော်ထဲ ထည့်ရန် ဥနီ၊ အာလူး၊ ဂေါ်ရခါးသီး၊ ရွှေပဲလုံး၊ သီဟိုဠ်ိစေ့တို့ကို ပြင်ဆင်ထားပါတယ်။ (မိမိတွင်ရှိသော အသီးအရွက်ကို စိတ်ကြိုက် ပြင်ဆင်နိုင်ပါသည်)

သီဟိုဠ်စေ့ကိုတော့ မီးအေးအေးဖြင့် ခတ္တကြော်ထားလိုက်ပါတယ်။

မိမိထည့်လိုတဲ့ ဝက်သား၊ (သို့) ကြက်သားကို အတုံး အနေတော်လှီးထားပါတယ်။ ပြီးနောက် ဆား၊ အရသာမှုန့်များနဲ့ နယ်ထားပါတယ်။

ထမင်းကို မကြော်ခင်မှာ ပဲငံပြာရည်အကြည်၊ ဆား၊ အသားမှုန့်၊ ချောက်ကော၊ ပါးကောအမှုန့်တို့ဖြင့် နယ်ထားပါတယ်။

 ထို့နောက် ဆီကို ထောပတ်ဖြင့် ရောကာ ပုဇွန်များကို ကြော်ပါတယ်။

ထောပတ်နံ့မွှေးနေတဲ့ ပုဇွန်ကြော်

အစောက ပြင်ဆင်ထားတဲ့ အသီး အနံများကို ဆား၊ အရသာမှုန့်ထည့် ကြော်ပါတယ်။

အသီးများ အနေတော် ဖြစ်ချိန်မှာ ခူးထားပါပြီ

ထို့နောက် ဆီကိုပူအောင်တည်ပြီး ထောပတ်များကို ထည့်ပါတယ်။ ဝက်သား (သို့) ကြက်သားကို ထည့်ကြော်ပြီး အသားကျက်ပါက ထမင်းများကို ရောမွှေပြီး ကြော်ပါတယ်။

ကျက်ပြီး အသီးအနှံများထည့်ပါတယ်။ ဆား၊ အရသာ အပေါ့အငံမြည်းပြီး လိုအပ်တာ ထပ်ထည့်ပါ။ အစောက ကြော်ထားတဲ့ ပုဇွန်များကိုပါ ရောထည့်နိုင်ပါတယ်. သို့ပေမဲ့ ကျွန်မကတော့ ပုဇွန်ကို အပေါ်ကနေသာ ထင်သာမြင်သာရှိအောင် ထည့်ပါတယ်။ မဟုတ်ရင် ပုဇွန်ပျောက်နေတယ် ထင်မှာစိုးလို့ပါ :)

ထမင်းကြော် ရပြီဆိုလျှင် အပေါ်မှ ပုဇွန်နဲ့ သီဟိုဠ်စေ့များ ထည့်လိုက်ပါတယ်. ဒါဆိုရင် ထောပတ်အနံ့မွှေးမွှေးလေးနဲ့ စားချင်စဖွယ် ပုဇွန်ထောပတ် ထမင်းကြော်ကို ရပြီဖြစ်ပါတယ်.

 အစိမ်းရောင်လွင်ပြင်မှ ကူးယူဖော်ပြခြင်းဖြစ်ပါသည်။