မိုးရွာပြီးစ
နေရောင်ခြည်ထဲမှာ
ငါ့ကို ထည့်လျှော်ပါ။
သစ်ပင် တစ်ပင်လုံးနဲ့
အကိုင်းအခက် အရွက် အစုံအလင်နဲ့
ငါ ပြန်လာမယ်။
ရေကူးကန် တစ်ကန်လုံး
ကြည်ပြာရောင် အပြည့်အလျှံနဲ့
ငါ ပြန်လာမယ်။
ဇောက်ထိုးမိုးမျှော် မိုးဟာ
နှင်းဆီပွင့်ရဲ့ ကိုယ်ပေါ်မှာ
ဦးခေါင်း မြဲမြံသကဲ့သို့
ငါ ပြန်လာမယ်။
ငါ့ အလိုမကျမှုတွေနဲ့
ငါ့ အချစ်တွေ
အခြေအတင် ဖြစ်နေပုံပါပဲ။
မီးသင့်ခဲ့တဲ့ သစ်တုံး
မဟော်ဂနီရောင် တောက်ပလာဦးမယ်ဆိုတာ
အကောင်းဆုံး သီချင်းတပုဒ်ပေ့ါ။ ။
သုခမိန်လှိုင်
(ပင်လယ်မှာ ပျောက်ဆုံးသွားသောအရာ) ကဗျာစာအုပ်မှ
0 comments:
Post a Comment