"မှတ်မှတ်ရရ... မလေးရှားည"

Malaysia နိုင်ငံမှ ကိုNay Yaung ၏ ကိုယ်တွေ့ဖြစ်ရပ်မှန်

                            ပေတမှာ သရဲအကြောင်းတွေ ဖတ်ရတော့ ကျွန်တော်လည်း ကိုယ်တွေ့တစ်ခုကို ပြောပြချင်ပါတယ်။
စာရေးမကောင်းလို့ ဖတ်မကောင်းရင် ကြိုပြီး တောင်းပန်ပါရစေ။

                             ၂၀၁၁ ဂျူလိုင်လမှာ ဖြစ်ပျက်ခဲ့တာပါ။ကျွန်တော်နေတာက PJ (Petaling Jaya)state ရဲ့ အစွန်းပိုင်း Damansara Perdana ဆိုတဲ့ နေရာမှာပါ။ကျွန်တော့်မှာ အိပ်ခန်းနှစ်ခန်း ရှိပါတယ်။ တစ်ခုက သူငယ်ချင်းတွေနဲ့ နေတာပါ။ အဲဒီ အခန်းက တောင်ကုန်းအမြင့်ကြီးပေါ်က ကွန်ဒို မီနီယံမှာ။ အဲ့မှာက အရမ်းခင်တဲ့ သူငယ်ချင်းတွေ ရှိပါတယ်။ ချက်စားပြုတ်စားလို့ရပါတယ်။ ဒါကြောင့် သူတို့နဲ့ နေပါတယ်။ ကွန်ဒိုတွေရဲ့ထုံးစံအတိုင်း အပြင်လူစိမ်းဝင်မယ်ဆိုရင် Passort တွေပေးရ၊ ၀င်ခွင့်ကတ်တွေ လဲရပြုရ အလုပ် ရှုပ်တာနဲ့ တခြားသူငယ်ချင်းတွေ သူတိူ့အလုပ်နားရက်လာလည်ရင် ၀င်ရထွက်ရ စိတ်၇ှုပ်လို့ သီးသန့် အခန်းတခန်း ထပ်ငှားထားပါတယ်။ သူတို့ အေးဆေးလာနေလို့ရအောင်ပါ။အလုပ်မရှိတဲ့ တချို့သူငယ်ချင်းတွေလည်း လာနေလို့ရအောင်ပါ။ ဇာတ်လမ်းက အဲ့မှာစတာပါ...။

                            ကျတော်ထပ်သီးသန့်ငှားထားတဲ့ အခန်းက Orang asli လို့ခေါ်တဲ့ လူမျိုးစုတွေရဲ့ ရပ်ကွက်ထဲမှာပါ။အဲ့ဒီနေရာလေးက တောင်ခြေက ချိုင့်ကြီးထဲမှာ ရှိတဲ့  Apartment ပါ။အရမ်းလည်း မှောင်သလို လူလည်းအဆက်ပြတ်ပါတယ်။ သစ်ပင်တွေ ဝေဆာနေတဲ့ လေးထပ်အဆောင်ပါ။ကျွန်တော်ငှားထားတဲ့ အခန်းက တတိယ အထပ်မှာ ပါ။

                             တနေ့ ကျတော်အလုပ်ပြန်တဲ့အချိန်က ည ၁၁ နာရီရှိပါပြီ။ကျွန်တော့် အဆောင်ကိုရောက်တော့ ၁၁နာရီခွဲလောက်ရှိပြီ။ လမ်းလျှောက်ပြီး ပြန်တာ ဆိုတော့ လူကလည်း တော်တော် မောနေပြီ။ ဒီလိုနဲ့ လူက မောမောနဲ့ အဆောင်ကိုရောက်တော့  အိပ်ခန်းရှိတဲ့ သုံးထပ်ကို အားစိုက်ပြီးတက်နေတာပါ။ ကံကောင်းတာလား ကံဆိုးတာလား မသိပါဘူး။ လှေကားအတက် အဆင်းမှာ လူတစ်ယောက်မှကို မတွေ့တာ။ လူတော်တော်များများလည်း အိပ်နေလောက်ပြီထင်ပါတယ်။
လှေကားထစ်တွေကို တက်နေရင်းနဲ့ ဒုတိယထပ်ကို အရောက်မှာ အပေါ်ကနေ ဆင်းလာတဲ့ မလေးအမျိုးသမီးလေး တစ်ယောက်နဲ့
တွေ့ပါလေရော....။ကျွန်တော် ပျော်သွားတာပေါ့ ။ ဘာပဲပြောပြောစိုးရိမ်စိတ်မရှိတော့ဘူးဆိုပြီး ထုံးစံ အရ ကျွန်တော်လည်း လှေကားထိပ်က သူမကို ပြုံးပြလိုက်ပါတယ်။ သူမက ပြန်ပြုံးပြတာတော့ မတွေ့ပါဘူး။ မီးရောင်တွေပဲ မှိန်နေလို့လား ကျွန်တော်ကိုယ်တိုင်ပဲ မောနေလို့လားတော့ မသိပါဝူး။ မလေးအမျိုးသမီးတွေရဲ့ဝတ်စုံက အင်္ကျီအရှည်ကြီးတွေပါ။ ၀တ်ရုံလို ဟာမျိုးပေါ့။

                            သူမက ဆင်းအလာ ကျွန်တော်က အတက်  လှေကားထစ်တစ်ခုမှာ ကျွန်တော် ရပ်နေလိုက်ပါတယ်။ အဲ့အချိန်မှာ ကျွန်တော့်တကိုယ်လုံး ကြက်သီးတွေထလာတာ ဘာဖြစ်လို့ဖြစ်မှန်းကို မသိဘူး။ လူပဲ တုန်လာ သလိုလိုနဲ့။ ကျွန်တော်ရပ်နေတဲ့လှေကားထစ်နဲ့ဘေးချင်းယှဉ် သူက အဆင်း၊ ကျွန်တော်ကလည်းအတက်မှာ သူမကို လှည့်ကြည့်လိုက်မိတာ ခါးအောက်ပိုင်းက လုံးဝကိုပျောက်နေတာ..။ လေထဲမှာ အပေါ်ပိုင်းပဲ ရှိတယ်။ ဘယ်ပြောကောင်းမလဲ ဘာမှမကြာတဲ့ အချိန်လေးအတွင်းမှာ ကျွန်တော် သေသလို ဖြစ်သွားတယ်။ "အမေရေ... !!"လို့ အော်ြ့ပီးတက်ပြေးတာ လည်ချောင်းကသာလှုပ်ရှားပြီး ဘာအသံမှကို မထွက်တာ။ လူက တုန်နေတာပဲ။

                           ကျွန်တော်ကိုယ်တိုင်လည်း ဘယ်လို ဘယ်လို အခန်းတံခါးကိုဖွင့်ပြီး အိမ်ကို ၀င်သွားလဲ မသိဘူး။ တစ်ကိုယ်လုံးတုန်ပြီး ရေတွေ ဘာတွေသောက်၊ အနားယူပြီး အခန်းဘေးက လူတွေနဲ့စကားတွေ ဘာတွေ ပြောပြီး အိပ်လိုက်တာ..။ မနက်ကျတော့ ထုံးစံအတိုင်း အဲ့ဒီလှေကားက ဆင်းပြီး အလုပ်တွေ ဘာတွေ သွားတာပေါ့။ နေ့လည်ကျတော့ အပေါ်ကွန်ဒိုက သူငယ်ချင်းတွေက မင်းအဲ့ဒီမှာ မအိပ်ရဲရင် ငါတို့နဲ့လာအိပ်ဆိုပြီးပြောကြပါတယ်။ သူတို့အ၀တ်အစားတွေပါသွားယူလာပေးတာ။ ညဘက်အလုပ်ပြီးတဲ့ ဆယ်နာရီခွဲအချိန်မှာ ဗိုက်ထဲက  အရမ်းအောင့်သလို နာသလို ကျဉ်သလိုနဲ့ အိမ်ပြန်ချိန်ရောက်လေ ပိုဆိုးလေပဲ..။နောက်နေ့ကတော့ ကျွန်တော့်နားရက်ဆိုတော့ အကိုတွေ ရှိတဲ့နေရာကိုပဲသွားမယ်ဆိုပြီး မနက်ထဲက Laptop ကို ကျောပိုးအိတ်ထဲ ထည့်လာတာနဲ့ပဲ အိမ်ကို မပြန်တော့ပဲ အကိုတွေ ရှိတဲ့နေရာကို တန်းသွားလိုက်တယ်။ ထူးဆန်းတာက အဲ့လို သွားလိုက်တာနဲ့ စောစောတုန်းက ဗိုက်အောင့်သလိုလို နာသလိုလို ဖျားချင်သလိုလိုက လုံးဝကိုပျောက်သွားတာ။

                            နားရက် မှာ စိတ်ရှိလက်ရှိ အိပ်တာ နေ့လည်တနာရီထိုးမှ အိပ်ယာနိုးတယ်။ နိုးနိုးချင်း ဖုန်းထဲကို မက်ဆေ့ ၀င်လာတယ်။ "u r lucky man "ဆိုပြီးသူငယ်ချင်းတွေက ပို့လာတာ။ ကျွန်တော်လည်း အူကြောင်ကြောင်နဲ့ ဘာလို့ကံကောင်းတာလဲ ဆိုပြီးဖုန်းဆက်မေးတော့ ညတုန်းက ကျွန်တော်တို့ အိမ်ကို ဓါးပြ ၀င်တိုက်သွားတာတဲ့။ တိုက်တာကလည်း နှစ်ခါကြီးများတောင် ၀င်တိုက်တာတဲ့။ ပထမတစ်ခါက ဆယ်နာရီလောက်ပဲ ရှိသေးတယ်။ အလုပ်က လူတွေ ပြန်မရောက်ကြသေးဘူးဆိုတော့ ဘာမှပါမသွားဘူး။ မနက်ငါးနာရီမှာ နောက်တခါ ထပ်ဝင်တာ။ဘေးခန်းက Laptop သုံးလုံး၊ ဖုန်းတွေ၊ ပိုက်ဆံတွေ အကုန်ကို ပါသွားတာ။ DVD စက်တွေတောင် မ,သွားတာဗျာ။ဓါးပြတွေက ငါးယောက်။ ဓါးတွေနဲ့လေ...။ ကျွန်တော့်အခန်းလည်းဝင်ပြီးမွှေသွားတာ ဘာပြောကောင်းမလဲ။ အ၀တ်အစားတစ်ချို့လည်း ရှုပ်ပွကုန်တယ်... ။ Head Phone နှစ်ခုတော့ ပါသွားတယ်။ အဲ့အိမ်က လူတွေလည်း ရဲစခန်းမှာ Report သွားလုပ်တာ နဲ့ဘာနဲ့ တစ်ညလုံး မအိပ်လိုက်ရပါဘူး။ ကျွန်တော်က  အကိုအိမ်မှာ နှစ်နှစ်ခြိုက်ခြိုက်အိပ်ပျော်နေတဲ့အချိန် သူတို့တွေ ဒုက္ခများနေတာ။

                               ကျွန်တော်စဉ်းစားတယ်...အဲ့ဒီသရဲမသာ ကျွန်တော့်ကို မခြောက်ခဲ့ရင်၊
ကျွန်တော်ကလည်းပေတေပြီး  အဲ့ဒီရပ်ကွက်ထဲက အိမ်မှာပြန်အိပ်ခဲ့ရင်၊ ကျွန်တော်လည်း ဖုန်းတွေ Laptop တွေ ပိုက်ဆံတွေ ပါကုန်မှာ...။
သူခြောက်ခဲ့တာက ကျွန်တော်ကံကောင်းဖို့ ဖြစ်လာလို့ အဲ့ဒီသရဲမကို ကျေးဇူးတင်နေပါတော့တယ်။ ဒါကတော့...ကျွန်တော့်ရဲ့ မလေးရှားက အမှတ်တရ တခုပါ...။ သူ့ကို ခါးအောက်ပိုင်းပျောက်နေတာကို တွေ့တဲ့အချိန် ခံစားမှုကတော့ ဘယ်လိုပြောပြရမှန်းတောင် မသိတော့ပါဘူး။ ကြောက်တာရော...လန့်တာရော...လူဆို အဲ့နေရာတင် လဲကျသွားမတတ်ပဲ...။

ကိုယ်တွေ့ဖြစ်ရပ်မှန် အကြောင်းအရာကို ပြန်လည်ဖောက်သည်ချသူ ကိုNay Yaung(Malaysia)အား Terimah kasih banyak ပါ ခင်ဗျာ။

နှုတ်ဆက်ရမှာကို မလိုလားသူ

(အက်ဒမင်-ရွာတော်ရှင်)


by facebook page