ခါးနာဝေဒနာ (Back Pain) လောက် အလေးပေးခြင်း မခံရပေမယ့် ဇက်နာဝေဒနာ (Neck Pain) ကလည်း အဖြစ်များတဲ့ ကျန်းမာရေး ပြဿနာ တစ်ခုပါပဲ။ သင်ဟာ ခဏခဏ ဇက်နာတတ်သူဆိုရင် အောက်ပါ အကြံပေးချက် အချို့ကို ပြုလုပ်ဆောင်ရွက်ကြည့်ပါ။
-အိပ်ရာက ထထချင်း ကိုယ်လက် လှုပ်ရှား လေ့ကျင့်ခန်း မလုပ်ပါနှင့်။ သင့်အရိုးအဆစ် များအတွက် သွေးပူလေ့ကျင့်ခန်းလုပ်ပါ။
-သင့်အလုပ်ခွင်ထဲမှာ သင့်ကွန်ပျူတာအနေအထားကို ချိန်ညှိ ပါ။ မော်နီတာရဲ့ အပေါ်ပိုင်းက သင့်မျက်စိနှင့် တစ်ပြေးညီရှိ ပါစေ။ စာစီစာရိုက် သမားတွေ ဆိုရင် စာရွက်ကို မိမိမျက်စိနဲ့ တန်းတူချိတ်ဆွဲပြီးမှ ရိုက်ပါ။ စာရွက်ညှပ်တဲ့ ကိရိယာကို သုံး ပေးနိုင်ပါတယ်။
-ဖုန်းပြောတဲ့အခါ နားတစ်ဘက်မှ တစ်ဘက်သို့ ပြောင်းလဲ ပေးပါ။ ဖုန်းခွက်ကို ဦးခေါင်းနှင့်လည်ပင်းကြားညှပ်ပြီး ပြော တာမျိုး မလုပ်ပါနှင့်။ Hand free နားကြပ်ကို စမ်းသုံး ကြည့်ပါ။
-လေးလံတဲ့ လက်ဆွဲအိတ်များ ဆွဲခြင်းကို ရှောင်ပါ။ ကျောပိုးအိတ် ဒါမှမဟုတ်ဘီးပါလက်တွန်းသေတ္တာကိုအသုံးပြုပါ။
-မော်တော်ကားမောင်းနေစဉ် မတ်မတ်ထိုင်ပါ။ ပြိုင်ကား မောင်းသူလို လက်တန်းထားပြီး ကျောမမီချပါနှင့်။ -အိပ်တဲ့အခါ ခေါင်းအုံး ဒါမှမဟုတ် မျက်နှာ သုတ်ပဝါ တစ်ထည်ကို လည်ပင်းအောက်တွင် ခုထားပေးပါ။
-သက်သာရာရစေဖို့ ရေခဲကပ်ပေးပါ။ နာကျင်မှုကို သက်သာစေဖို့ ရေခဲကပ်ပေးပါ။ ဒါမှမဟုတ် ရေပူထည့် ထားတဲ့ ပုလင်းတစ်လုံးကို သုံးပေး နိုင်ပါတယ်။
0 comments:
Post a Comment